Agjencia Kombëtare e Barnave dhe Pajisjeve Mjekësore (AKBPM) informon se FDA ka njoftuar për tërheqjen nga tregu të disa loteve të barit me lendë aktive Prazosin hydrochloride për shkak të niveleve të larta të papastërtisë N-nitroso prazosin impurity C.

Ky informacion jepet për qëllime informuese dhe për ndjekjen e zhvillimeve të sigurisë së barnave në nivel kombëtar. Pas verifikimeve të kryera në Regjistrin Kombëtar të Barnave në Shqipëri, rezulton se bari Prazosin me MAH “TEVA” nuk zotëron autorizim për tregtim në Republikën e Shqipërisë

Për më shumë informacion : https://www.accessdata.fda.gov/scripts/ires/?Event=97755

Raportimi i efekteve të padëshiruara të dyshuara është shumë rëndësishëm. Ai lejon monitorimin e vazhdueshëm të bilancit risk/përfitim të barit. Profesionistët e kujdesit shëndetësor duhet të raportojnë çdo efekt të padëshiruar të dyshuar nëpërmjet sistemit kombëtar të raportimit në faqen zyrtare të AKBPM.