Ky është mesazhi i fushatës së këtij viti #MedSafetyWeek, e cila tani është në vitin e saj të dhjetë.

Agjencia Kombëtare e Barnave dhe Pajisjeve Mjekësore është një nga 132 organizatat në mbarë botën që marrin pjesë në fushatë, e cila do të zhvillohet online nga data 3 deri më 9 nëntor 2025. Fushata synon të inkurajojë pacientët dhe profesionistët e kujdesit shëndetësor që të raportojnë çdo efekt të padëshiruar  të dyshuar të barnave, sepse çdo raportim mund të ndihmojë në mbrojtjen e të tjerëve.

Barnat shpëtojnë jetë dhe përmirësojnë shëndetin e miliona njerëzve, por ato gjithashtu mund të shkaktojnë ndonjëherë efekte të padëshiruara . Raportimi i efekteve të padëshiruara të dyshuara, kur ato ndodhin, u lejon autoriteteve rregullatore të ndërhyjnë për t’i bërë barnat më të sigurta. Agjencitë rregullatore në të gjithë botën, të tilla si AKBPM, përdorin raportimet nga pacientët dhe profesionistët e kujdesit shëndetësor për të monitoruar sigurinë e barnave dhe për t’iu përgjigjur çdo risku të mundshëm.

Ndër arsyet më të zakonshme për mosraportimin e efekteve të padëshiruara të dyshuara të barnave janë:

Kjo është arsyeja pse fushata #MedSafetyWeek filloi në vitin 2016 për të rritur ndërgjegjësimin se si, ku dhe pse duhet të raportohen efektet e  padëshiruara të barnave.

Edicioni i vitit 2025 i fushatës përkon me përvjetorin e saj të dhjetë dhe do të jetë më i madhi ndonjëherë, me 132 organizata në 118 vende të angazhuara për të ndarë mesazhin #MedSafetyWeek në mbi 60 gjuhë.

Nga data 3 deri më 9 nëntor 2025, të gjithë mund të ndihmojnë në promovimin e mesazhit #MedSafetyWeek duke përdorur hashtagun e dedikuar dhe duke ndarë postime në rrjetet sociale të AKBPM

#MedSafetyWeek është një fushatë ndërkombëtare e udhëhequr nga Qendra e Monitorimit Uppsala (UMC), Qendra Bashkëpunuese e Organizatës Botërore të Shëndetësisë (OBSH) për Monitorimin Ndërkombëtar të Barnave, dhe mbështetet nga anëtarët e Koalicionit Ndërkombëtar të Autoriteteve Rregullatore të Barnave (ICMRA) dhe organizata të shumta kombëtare dhe ndërkombëtare.

👉MedSafetyWeek | UMC

Raportimi i efekteve të padëshiruara të dyshuara (ADR) ndaj barnave dhe vaksinave na lejon të identifikojmë risqe të mundshme paralajmëruese që lidhen me përdorimin e barnave, duke përmirësuar kështu sigurinë e tyre për të gjithë pacientët.

Rregulloret europiane të farmakovigjilencës kërkojnë që të gjithë profesionistët e kujdesit shëndetësor dhe publiku i gjerë të raportojnë çdo efekt të padëshiruar të dyshuar (serioz dhe joserioz, të njohur dhe të panjohur).

Një efekt  i padëshiruar i dyshuar mund të raportohet si mëposhtë: